Category Archives: Glunggi Clique
Bummel 2011
Trotz Zytumstellig hett me am Moorge gnueg Zyt gha zem usszschloofe. Me hett sich erscht uff die elfi im Gare du Nord troffe. Dernoo sind mir nachemen glaine Spaziergang im Vulcanelli yydroffe. Das Reschtorant mit Theaatercharakter straalt seer viel Charme uss und bietet der perfeggti Raame fyr e tolls Nomidaagsbrogramm. Als Yystimmig traage uns s offizielle Grippli vo de Glunggi e wunderscheene Altfrangg vor. Während mir e feins Ässe derfe gniesse wird e richtigs Fyyrwäärgg vo Faasnachtsstimmig uff dr Biini abbrennt. S aggtuelle Keenigsduo zelebriere uns e wunderscheens z’Basel an mym Rhy. Dernoo wirds Ryssblei nomool gspitzt und mir kenne beschtätige, dass die Värs au wirklig sitze. Denn sind d Mulderötzer mit ihrem selberkomponierte Marsch dra, die Mulde hett wirkligg grötzt! Dass die Herre nit numme drummle, sondern au singe kenne, hän si uns grad dernoo bewiese. D Helge kenne no e weenig ussbaut werde, aber d Värs sind dr Hammer gsi.
Denn hetts gheisse yystoo. Dr einti oder ander wischt no schnell e Räppli vo sym Inschtrumänt, wo no vo dr Faasnacht iibrig bliebe isch. Und denn goots los. Mir gässle im Faasnachtsherze bis uns d Uhr am Zääni sait, dass es wirklig Zyt isch zem dr dissjeerig Bummel abzschliesse. Mitmene wunderbare Rossignol hän mir am Brunne in dr Freie Strooss dr letschte Dupfe uff e sensationelle Daag gsetzt. Scheen isch es gsi und mir fraie uns scho uff näggscht Joor.
Fasnacht Alte Garde 2011
Haile, Haile, Häxedrangg,
AdieGranggekasse, viel Dangg.
Am Morgeschtraich, i dängg hitt no dra
es isch toll gsi, voaafangaa.
Dr Cortege z Midaag, dr Schweiss gläbbt am Ranze,
dorum dien si in Rio, halb bluttdanze.
Dr Zischtig isch, mit Gross und Glyy,
e prächtigs Zyygli gsyy.
E scheene Mittwuche, hämmr kenne erlääbe,
trotz däm, bleede Rääge.
Do hän zwei baschtlet, muesch Gratuliere,
e Requisit, wo hesch kenne Häxedrangg probiere.
Am 27. Hornig s näggscht Joor, isch es wiider so wyt,
wenn mir Yyschtöön am Vieri, das isch e heiligi Zyt.
Jetzt winsch i Eich, Alle scheeni Dääg,
bliibet gsund, und haltet Eich zwääg.
Dr Zyschdig
Dr Zyschdig isch fyr einigi Fasnächtler dr scheenscht Daag, das Chaos in dr Stadt isch doch aifach toll. Die Alte und Jungi Garde kämpfe sich gemeinsam durchs Gwiel. E glaine Knopf lauft nebemene alte Bappe und beidi hän dr Blausch – das isch Faasnacht buur!
Dr Stamm lauft bim Glunggi-Käller ab und ziehts ins Glaibasel. S Ueli-Bier wartet… Nach dere erschte verdiente Steergig gässle mir no e Rundi im Glaibasel bevors zem beliebte Apéro im Rauracherkeller goot. Iiber 50 Glunggi treffe sich deert und schwätze iiber allerhand, ai Thema isch nadyyrlig das wunderbare Wetter, wo dr Petrus wider fyr uns baarad gmacht hett. Es isch e bilderbuech Zyschtig. Dernoo goots in Glunggi-Käller zem Nachtässe. E tolli Iiberraschig sind d Schnitzelbängg, wo mir während unserem Ässe deerfe gniesse.
Dernoo stoot dr gsamti Stamm vor em Käller mit em Glunggi-Goschdym yy, was fyr e wunderbars Bild – faarbefroo und doch ainhaitlig. Me druggts sich iibere Minschterblatz. Die Lampebracht boodigt eim jedes Joor. Es wird gruesst und pfyffe wies scho dr leschte Daag wäri. Sogar während de Phäuseli kunnts zue spontane Grubbebildige, wo grad widerziehn. „Mir sind denn in zwanzig Minute wider do“, gheert me sie saage.
Aber jede Fasnachtsdaag – egaal wie toll er isch - muess laider emool ände. Fyr die eine e bitz friener, fyr die andere e bitz speeter. Aber alli sind mitemene zfriedene lächle yygschloofe.
Glunggi im SF uff dr mittlere Brugg
Mir gseen schwarz!
Um zu sehen wie dies aussieht, klick auf den Link :
http://www.videoportal.sf.tv/video?id=348ee6bd-782b-4493-bfe6-2b087c67ec11&bookmark=4350.064574898785
«Zämme fägts» ist der Titel der diesjährigen Basler Fasnacht. Das Motto soll zeigen, dass jeder Fasnächtler seinen eigenen Beitrag leistet und ebenso Teil der ganzen bunten Fasnacht ist und so zu der märchenhaften Stimmung beiträgt.Der Cortège von Basel ist wie eine riesige Premiere mit 12‘000 Akteurinnen und Akteuren. Zum allerersten Mal sieht man in voller Pracht, welche Themen die Cliquen dieses Jahr ausgewählt haben. Es ist spannend zu sehen, wie sie ihr neues Sujet im Detail präsentieren: Wie sieht die Laterne aus, welche Requisiten setzen sie ein, was steht auf ihren «Zeedel», und was für Kostüme präsentieren sie? Das Schweizer Fernsehen zeigt den Cortège live auf SF 1. Kommentator der Sendung ist Heinz Margot.
Morgestraich 2011
D Glunggi waarte an dr Schiffländi uff dr grossi Momänt. S eine odr andere Gsicht isch no e chli verdruggt, d Auge hingeege lyychte voller Voorfraid. Dr Petrus loot no schnell e baar Drepfli aabe zem kurz z zaige, dass er kennti, aber es isch nadyyrlig numme e Gspässli gsyy. Alli Glunggi stelle sich am viertel vor viieri an dr Börse uff.
D Tambourmajor riefft “no ei Minute”, die letschte leege no d Larve aa. S goot los, dr Tambourmajor schreit “Morgestraich, vorwärts, marsch” und genau denn goots s Liecht ab. Wie allewyl hett unsere Tambourmajor sini Uhr genau gstellt und dr Punggt wiedr emool genau troffe. S ruesst und pfyfft uss allne Gasse. Via Määrtplatz, Falknerstrooss erreicht dr gsamti Glunggi-Zuug dr Seibi. Dernoo miese mir waarte bis d Cliquene uss dr Gebergass verbyy sind, denn schnell yyfäädle bim neie – alte – bruune Mutz verbyy und wiedr zrugg via Strytgass ind freie Strooss. So, nachere Stund dr erschti Halt vor em Pfaue. Die Jungi und Alti Garde fäädle uss und stiirze sich uffs Morgeässe. Dr Stamm zieht wyter und gässlet no im Herze vom Grossbasel.
Uff die siebtni hett sich denn dr Stamm au sy Morgässe verdient und keert ebefalls im Pfaue yy. Nach dere Steergig goots am achti no wyter, vo Rundi zue Rundi werde s weniger und denn isch de wunderbari Morgestraich scho wider verbyy. Scheen isch es gsy und me fraid sich uff e Nomidaag…
Drummeli 2011
Himmel – was für ein Quantensprung! Ein Monstre, wie wir es kaum, ja überhaupt noch nie erlebt haben – nun ist das Rahmenspiel perfekt. Die Regie grossartig. Die Schauspieler sind eine Wucht und die Texte wunderbar. Das Drummeli 2011 wird in die Fasnachtsgeschichte eingehen. (von -minu)
Glunggi Drummeli 2011
Es brauchte den mutigen Griff der Regie in die Profikiste – so hat das neue Drummeli nun fast Musical-Charakter (Anfangs- und Schlussszene). Und vielleicht war auch der Wegzug von der gigantischen Muba-Bühne nötig. Jetzt nämlich hat alles seinen richtigen Rahmen.
…
Aus himmlischen Höhen in höllische Tiefen: Der zweite Drummeli-Teil setzt nahtlos am ersten an. Die Cliquen bieten einen soliden Jahrgang, die Raamestiggli ragen heraus. (von Ralph Schindel)
Das aus der Pause in den Saal strömende Publikum wird mit Gesang empfangen. Zwar ertönen nicht die reinen Stimmen der SÿndiCats, sondern die eher rauen Kehlen der Alte Glaibasler, die Muttenzer wird kurzerhand zur Monstre-Kurve. Wie die FCB-Fans feiern sich die AGB vor allem selbst, die Stewards passen auf, dass die Situation nicht ausufert und sogar der originale, ehemalige Sämfduube-General kommt zu neuen Ehren.D Glunggi machen danach das Ganze ein wenig offizieller mit dem «Rossignol» am «Offizielle». Die verschiedenen Kategorien werden gekonnt präsentiert…
Vortrabsbummel 2010
Mir hän uns in Vollmondour mit Appenzeller-Gilet am vietel vor 10 i, im Starbucks am Bahnhof troffe….. Fast alli hän dänkt es got uff Appenzell und sin ganz endtüscht gsi wo si festgstellt hän as es nur in Jura got……… Nach 2 stündiger Zugfahrt mit Cüpli und Laugeweggli (für unsere Obmaa hetts natürlig e Bier geh) sin mir den in Réclere in dr Tropfsteihöhli und em Dinopark ako…… Zerscht hänn mir uns im Dinopark gschyd gmacht und den sinn mir in d‘ Unterwält. Dr Carsten isch kei Höhlegänger, är het müesse dr Grillplatz bsetzte und efang iifüre, as die andere sich nach däm kalte Höhlegang hän chönne wärme und stärke….Nachdämm hetts no e feyne Kaffi geh und denn sinn mir mit em Publicar wieder uff Porrentruy und zrugg nach Basel. Nach eme letschte Cüpli hett sich denn jede wieder uff e Heimwäg gmacht.
Tambourebummel 2010
Tamboure hän sich au in dem Joor zumene Herbstussflug troffe. Zerscht isch es zem City Golf ins Bachgrabe gange. Dört hän is dr René und Markus e Yfiierig in dr Golf Sport gää. Es hett sich gli zeigt, dass d’Tamboure nit numme mit zwei Schlegel kenne yberzyyge. Nach em aktivi Teil vom Oobe hett uns e feins z’Nacht im Rest. Schnabel erwartet. Nach dem d Määge wiedr gfyllt gsi sind, isch d Grubbe no ans Unifest uff e Petersplatz witerzooge, bevor mir dr Oobe im Zofingia-Käller ussklinge loo hän. Wie allewyl isch es e glatti Sach gsi und i möcht an dere Stell em Organisator nomool ganz herzlig danke.
Do no e paar Impressione vo dem Oobe:
Junge Garde Weekend 2010
Voller Elan haben sie die diversen Übungseinheiten abgespult. Wer hätte gedacht, dass um 23.30 Uhr die Frage gestellt wurde, ob noch gepfiffen werden darf!!! Da dieser „Lärm“ nur Füchse, Rehe, Eulen etc. verscheucht hätte, konnte diesem Wunsch entsprochen werden.
Nach anfänglich ungewohnter Stille an der Sujetsitzung kam eine immer animiertere Diskussion auf mit mehr oder weniger umsetzbaren Ideen. Das Sujet ist nun „z Fadegschlage“ und bereit zur Umsetzung
Das Abendprogramm bestand unter anderem aus einem „Döggelikasten-Turnier“, das auch von den Jungen organisiert wurde (die Erwachsenen mussten auch antraben). Es ging lärmpegelmässig zu wie auf dem Fussballfeld (siehe Glygge-Grümpeli) und ich war ein Mal mehr froh, dass das Haus so günstig liegt. Sieger waren – wie könnte es anders sein – die Aebi-Geschwister.
Es war wieder toll und lässt bereits eine gewisse Vorfreude auf nächstes Jahr aufkommen (jetzt sind wir ja wieder ausgeruht).
